BUTUAN CITY – Sa 20th congress na sa Senado masayran kung madayon ba ang impeachment trial ni Vice President Sara Duterte, kini ang pamahayag ni Senate President Chiz Escudero sa pagbalik-sesyon sa Senado kagahapong adlawa, Hunyo 2.
Sigon niini nga taliwala pa man nga importante ang desisyon sa mga Senador nga nakalingkod sa 19th Congress, dili gihapon pwedeng mahiktan ang panlantaw sa mga Senador sa 20th Congress, rason nga subli matud pang botohan kung mahinayon ba o dili ang impeachment proceedings sa Bise Presidente pag lingkod sa 20th Congress.
Subay sa Senate President nga sa Kongreso, dili matud pa pwede nga tingog sa usa lang ka tawo ang masunod, kundili kanunay nga anaa matud pa sa mayorya sa plenaryo ang desisyon.
Sayran nga duna nay siguradong lima ka mga Senador nga giindorso sa Pamilyang Duterte ang molingkod sa 20th Congress, lakip niini ang mga kasamtangang Senador nga sila Senador Ronald “Bato” Dela Rosa, Bong Go, ug Imee Marcos; anaa usab ang kasamtangang kongresista nga si Rodante Marcoleta, lakip sa ilahang makauban si Camille Villar.
Duyogan sa lima ang kaalyadong si Senador Robin Padilla kansa Presidente sa partidong PDP-Laban. Kahinumduman nga gi sibog ni Senador Escudero ang petsa sa pagbasa sa articles of impeachment batok kang Vice President Sara gikan sa Hunyo 2, kansa himoon nalang matud pa sa Hunyo 11, tulo ka adlaw adiser tak-opan ang session sa kongreso karong Hunyo 14.
Ang pamahayag ni Senador Chiz Escudero.
