BUTUAN CITY – Sa pinaka-unang higayon, nag-overall champion ang Caraga Region sa National Schools Press Conference (NSPC) 2025, nga gipahigayon sa Vigan, Ilocos Sur gikan niadtung May 19 hangtud kagahapong adlawa, Mayo 23.
Subay niini, giputol sa Caraga ang swerte sa mga dominadong Davao Region ingon man sa CALABARZON kon Cavite, Laguna, Batangas, Rizal ug Quezon. Nanguna ang Caraga sa secondary individual contests diin nasakmit niini ang 1st place overall sa secondary division, ingon man podium finish usab alang sa 3rd place sa group contests (secondary).
Highlight sa maong kadaugan ang 1st Place win sa Pagsulat ng Editoryal sa learner-journalist nga si Claudia Callano gikan sa Surigao del Sur ingon man ang mga nagkadaiyang kadaugan sama sa sports writing, photojournalism, lakip na usab ang hakot-award sa TV ug radio broadcasting, diin nasakmit niini ang daghang kadaugan sa mga technical roles, sama sa best news scripts, technical direction, ingon man sa mga over-all productions.
Sumala ni Pedro Tecson, ang tigpamaba sa Department of Education kon DepEd-Caraga, siyam ka tuig nga gikupran sa CALABARZON ang kampeonato sa National Young Journalist Competition sugod niadtong tuig 2015 ug napulihan lang sa Davao Region ning mi-aging tuig.
Gi-andam na sa Department of Education-Caraga ang paghatag og cash incentives sa mga batang mananaog.
Ang pamahayag ni Pedro Tecson, ang tigpamaba sa Department of Education kon DEPED Caraga.
