BUTUAN CITY – Milagrosong naluwas ang usa ka seaman nga una nang gikatahong missing ug napalgang naglutaw-lutaw sa dagat sulod sa 25 ka adlaw sa Middle East.
Ang seaman nga gi-ilang si Marjoy Quinto Yparraguirre, residente sa Barangay Bunyasan, lungsod sa Malimono, Surigao del Norte, katapusang nakit-an niadtong Abril 25 ning tuiga, pasado alas-2:50 sa hapon, oras sa London duha ka adlaw lang sa gikatakda unta niyang pagpa-uli sa Pilipinas niadtong Abril 27.
Human sa kapin duha ka semana nga pagpangita, luwas na siyang nakit-an sa mga awtoridad rason nga sangko sa langi ang pagpasalamat ang iyang pamilya ug naglaum nga makapa-uli kini sa labing daling panahon.
Nagpadayon pa ang imbestigasyon sa maong insidente samtang gipangayo usab sa iyang pamilya ang privacy gikan sa publiko.
