BUTUAN CITY – Gisugat og heroes’ welcome ang 462 ka mga pulis ning rehiyon sa Caraga nga naka-uli na kagahapon sa hapon human gi-assign sa Bangsamoro Autonomous Region in Muslim Mindanao kon BARRM niadtong May 12 national and local elections.
Gihatagan sila og Medalya ng Kadakilaan ni regional director PBGen. Christopher Abrahano nga seremonyas nga gipahigayon sa ground sa Camp Col Rafael C. Rodriguez, ning siyudad sa Butuan human n ka-uli na dinhi sa Caraga Region ilabina sa headquarters sa Police Regional Office -13. Sigon ni regional spokesperson PMajor Jennifer Ometer, dako ang pagpasalamat ni Abrahano Abrahano nga safe and sound ang tanang mga pulis nga naka-uli kagahapon gawas nga dako usab ang garbo ug kalipay sa heneral tungod sa dakong tabang sa maong pwersa aron mahapsay ug malinawon ang mga lugar diin sila gipang-deploy.
Nasayrang sunod semana, laing 133 ka mga pulis ning rehiyon ang mangabot na usab human gi-deploy sa uban pang mga lugar sa nasud kansa tabukunon pa og dagat.
