BUTUAN CITY – Nakahinuklog ang Barangay kapitan sa Agusan Pequeño ning syudad sa butuan nga si Raul Radaza, nga sayop diay ang nahimo niining pagpost sa iyahang social media nga moresign human nga nabati niining wala na siyay command sa iyahang kunstituwente.
Sa ekslusibong pakighinabi ning sibyahan, gisaysay sa kapitan nga naka-post matud pa siya sa maong mga pulong naidtung nigawas na ang resulta sa eleksyon sa lokalidad sa Butuan, tungod kay nasagmuyo kining wala kadaug sa iyahang baranggay si Mayor-elect Law Fortun.
Subay sa resulta sa local race dinhi sa dakbayan sa Butuan, napildi lamang pinaagi sa 79 ka mga boto si Fortun sa maong Barangay, human niini nakuha ang ka mga boto1,289 batok sa kalaban niining si Charito Plaza nga nakakuha og 1,368.
Sumala sa kapitan, karon pa lamang niini narealize nga duna gauy iya-iyang panghuna-huna ang mga katawhan, rason nga dili gayud kasaligan nga ma-turn into votes ang illahang gipangampanyang kandidato, bisan kon unsa nila ka maayo nga lider.
Apan sumala niini nga gi delete gilayon niya ang maong post. Dugang pa, wala na matud pa siyay mahimo sa kung si kinsa ang gipili sa iyahang mga ka-barangay tungod kay katungod man matud pa kini sa matag indibidwal.
