BUTUAN CITY- Dako ang pagtuo ni Fr. Joseph Garido Capon, Bombo International Correspondent gikan sa Roma, nga ang Balaang Espirito ang nagpili kang Pope Leo XIV nga mamahimong bag-ong lider sa Simbahang Katoliko, kini taliwala pa man nga duna nay gilauman ang ubang mga katawhan nga mamahimong bag-ong Papa.
Sumala sa Pari nga taliwas sa naandan nga piniliay diin kasagarang mapili ang mga sikat, mas pilion matud pa sa mga Cardinals atul sa Conclave ang mas mapainubsanon nga indibidwal.
Masayran usab matud pa nga ang Balaang Espirito gayud ang nagpili sa maong bag-ong Papa tungod sa masanagon niining panagway.
Dugang niini, haum matud pa ang pagkatao sa bag-ong Santo Papa sa kasamtangan nga dagan sa kalibutan, diin sigon sa Pari nga makita matud pa ang kahaum sa ni Pope Leo XIV sa iyahang posiyon sa permiro pa lamang niining mensahe kagahapong adlawa. Kahinumduman nga kalinaw ang unang gilitok sa bag-ong Santo Papa sa permiro niining Urbi et Orbi kon “To the city and to the world” nga mensahe.
Alayon niini, sigurado matud pa nga unang lihokon sa bag-ong Santo Papa ang pakig-dialugo sa mga nagkadaiyang lider sa kalibutan alang sa kalinaw, isip mao kini ang gihuptang adbokasiya ni Pope Leo XIV nga usa ka Augustinian Priest.
