BUTUAN CITY – Igo na lang sa pagbasol og paghinuktok ang usa ka ulitawo human kini nasikop sa mga otoridad tungod sa pagpayuhot og pagkupot sa ilegal nga droga.
Gi-ila ang suspetsado nga si Alyas “Kuya wel ” 19-anyos, kinsa ning mi-aging buwan lang nakagawas gikan sa Butuan City Jail tungod sa laing kasong gi-atubang.
Ang suspetsado usa ka High Value Individual kon HVI nga residente sa Purok 6, Brgy Obrero ning dakbayan sa butuan kinsa maoy gitudlo sa mga nakasaksi nga minglabog sa mga illegal nga butang didto padulong sa luyong bahin sa pader sa prisohan.
Nakuha sa iyang posisyon ang 5-gramos nga suspected shabu nga nagkantidad og 34,000-pisos ug buybust money.
Anaa na karon sa kostudiya sa Butuan City Police Station 3 ang suspetsado nga pasakaan og kasong paglapas sa Republic Act 9165 kon mas nailang Comprehensive Dangerous Drugs Act of 2002.
