BUTUAN CITY – Dili pa mokaon ug dili pa usab ma istorya og tarong ang amahan sa batang babaye nga nadamay sa NAIA car crash kagahapon.
Sumala sa iyaan nga shocked pa gihapon ang amahan sa 4-anyos nga bata nga nailang si Danmark Soriano Masongsong.
Dugang sa iyaan, wala pa usab masayod ang inahan sa bata nga wala na ang iyahang bugtong anak. Nasayran nga nadamay usab ang inahan sa bata sa maong disgrasya rason nga nag bleeding ang spleen niini hinungdan usab nga gioperahan kini.
“‘Yung father sobrang tuliro pa din, hindi makausap nang maayos. Ayaw din kumain. Iyak pa din ng iyak. ‘Yung asawa naman niya ay naging critical kahapon internal bleeding sa spleen. Naoperahan na siya. dahil sa condition niya, hindi pa namin masabi na wala na ’yung anak niya,” Saysay sa iyaan sa bata
Nasayran nga niuli pa sa Pilipinas si Donna gikan sa Singapore arun tabangan niini ang iyahang igsoon tungod sa maong trahedya.
“Paulit ulit lang nmin sinasabi sa kanya na pilitin niya magpalakas para sa asawa niya,” Dugang ni Donna.
Sa kasamtangan, gihaya na ang patayng lawas ni Baby Malia Kates Yuchen Gayeta Masongsong sa ilahanglugar sa Lipa, Batangas.
Nasayrang duha ang patay kagahapong adlawa dihang gidaro sa usa ka SUV ang departure area sa NAIA Terminal 1 ug tulo usab ang gidala sa balay-tambalanan.
Gisuspende na usab sa Land Transportation Office (LTO) ang lisensya sa driver nga nalambigit sa fatal accident sa Ninoy Aquino International Airport kon NAIA kagahapon sa buntag.
Kini human gimando ni Department of Transportation (DOTr) nga ipa-ilawom una sa drug testing ang driver sa SUV.
Sumala sa LTO, suspendido og 90 ka adlaw ang lisensya sa driver samtang nagpadayon pa ang imbestigasyon sa maong insidente. Base sa Anti-Drunk and Drugged Driving Act of 2013, obligado ang mga driver nga nalambigit sa aksidente nga mipa-ilawom sa chemical testing, lakip na sa drug screening kondiiin mahimong i-revoke ang lisensya niini ug pamultahon pa kung magdumili sa maong lakang.
