BUTUAN CITY – Patay ang usa ka 2nd year college student sa sa dakbayan sa Cabdabaran, Agusan del Norte, human kini na hit and run bandang alas-dose ang takna sa tungang gabii, Mayo 3, 2025, sa may national highway Barangay Mabini sa maong syudad.
Naila ang biktima nga si Eljune Pegarro, hingkod ug kasamtangan nga nagtungha sa kursong Bachelor of Science in Business Administration kon BSBA sa Northern Mindanao Colleges Inc. (NORMI).
Sayrang samtang patabok ang maong biktima doul sa usa ka resto bar, kalit lang nga nibangga niini ang usa ka pick-up, kansang plate number – wala makuha.
Padulong matud pa sa dakbayan sa Butuan ang nasangpit nga sakyanan. Gisulayan pa og dala sa balay tambalanan ang maong babaye apan nakabsan gihapon kini sa kinabuhi.
Sa kasamtangan, nangayo og tabang ang ma pamelya sa biktima lakip na ang skwelahan ngadto na sa publiko, ilabi na sa mga adunay cctv doul sa nahitabuan aron sa dali nga pag-ila og pagka sikop sa driver sa nasangpit nga pick-up.
Subay niini, gipaniguro usab sa tunghaan sa maong kolehiyala nga makig-tinabangay kini sa pamilya sa biktima alang sa daling pagkab-ot sa hustisya.
