BUTUAN CITY – Gibantayan karon sa lungsod sa Borongan, Eastern Samar ang Barangay San Jose ingon man Siha human sa gihkatahong pagkamatay sa daghang mga baboy na gituohang dunay African swine fever (ASF).
Sa kasamtangan, girekomenda una ang lockdown alang sa maong mga barangay sa ingon nga mapugngan ang nasangpit nga sakit. Kahibaloan nga ningkabat na sa 127 ka mga baboy gikan sa 21 ka mga backyard farms sa Barangay San Jose ang namatay, samtang daghan usab ang gikabalitang namatay sa Barangay Siha.
Kahinumduman nga sukad naidtung Abril 22, gidili na sa maong mga lugar ang pagpamaligya, pagbiyahe, ingon man ang pag-ihaw og baboy .
Lakip sa gibantayan mao ang Barangay San Gabriel.
Taliwala pa man nga dili delikado ang ASF sa lawas sa mga tawo, padayon gihapon ang pahinumdom sa mga opisyal nga sili luwas nga kaunon ang mga karneng baboy gikan sa maong mga lugar.
Gimanduan usab ang mga namuhi og baboy sa maong mga areas nga magpahigayon og disinfection ug pahugtan ang health security sa mga manulod sa ilahang mga farms.
