BUTUAN CITY – Gikatakda nang ilubong si Pope Francis karong sabado, April 26 sa alas 10 ang takna sa buntag, oras sa Roma, kon alas 4 ang takna sa hapon dinhia sa Pilipinas, sumala sa anunsyo sa Vatican.
Pangulohan ang maong serbisyo ni Cardinal Giovanni Battista Re sa St. Peter’s Basilica. Sumala sa Vatican nga sugdan ang pagpahiluna sa patayng lawas ni Pope Francis karong April 23, bandang alas 9 sa buntag kon alas 3 ang takna sa hapon dinhi sa Pilipinas, diin dalhon ang lungon sa Santo Papa gikan sa Chapel of the Casa Santa Marta padulong sa St. Peter’s Basilica.
Pangunahan usab ni Cardinal Kevin Joseph Farrell, ang Camerlengo sa Holy Roman Church, ang translation inubanan sa mga pag-ampo. Sumala sa Vatican nga moagi ang prosesyon sa patayng lawas ni Pope Francis sa Santa Marta Square ug sa Square of the Roman Protomartyrs, dayon sa Arch of the Bells ngadto sa St. Peter’s Square, adiser kini mopahiluna sa St Peter’s Basilica.
Pangunahan usab sa Cardinal Camerlengo ang Liturgy of the Word sa Altar of the Confession. Sundan dayon kini sa public viewing, nga naka iskedyul karong April 25.
