BUTUAN CITY – Subling magtapok ang mga Cardinal sa Roma alang sa Conclave nga maoy mobotar alang sa kung si kinsa ang mamahimong bag-ong Santo papa, kini human gikumpermang ning panaw na si Pope Francis, kon Jorge Mario Bergolio sa tinood nga kinabuhi sa edad nga 88 ning adlawa, Lunes, Abril 21.
Kahinumduman nga si Pope Francis ang pinaka unang Latin American nga nahimong Santo Papa sa Simabahgn Katoliko, rason nga daghan ang nag laum nga subli na usab nga magtala og kasykasyan ang mopuli sa ning taliwan nga pontiff.
Lakip sa mga nahisgutan ang pagtuboy sa mga Asiano ingon man Afrikanong mga Cardinal.
Nag-una sa listahan si Cardinal Peter Turkson,76, kansa gikan sa Ghana nga mamahimong maoy pinaka unang Aprikano nga Santo Papa. Naila usab kini sa iyahang papel isip peace envoy sa South Sudan ug sa panlantaw niini sa isyu sa LGBTQ+ sa Africa.
Lakip usab sa gikunsiderang mamahimong Santo Papa si Cardinal Luis Antonio Tagle, 67, nga gipanganak sa Pilipinas. Kanhi kining Arsobispo sa Maynila ug kasamtangan nga opisyal sa Vatican. Posible usab nga mamahimo pinaka unang Asiano nga Santo Papa si Tagle lansa naila sa pagka-liberal niini, ug usa sa mga nanawagan sa lawom na pagsabot sa mga myembro sa LGBTQ+ community ingon man sa mag-tiayong nagdeborsyo.
Anaa usab si Cardinal Pietro Parolin sa Italya, 70-anyos, kansa kalihim sa Estado sa Vatican ug naila isip “continuity candidate.” Duna kini lawom nga kaagi sa deplomatiko, apan gibatikos human nga dunay gihimong kasabutan sa China.
Anaa usab sa ikaupat si Cardinal Péter Erdő nga taga Hungary, 72-anyos, ug nailang konserbatibo gikan sa kanhing Soviet bloc ug usa sa mga ning babag sa pagkomunyon sa mga katolikong bulag sa mga pares niini.
Sunod usab niini si Cardinal José Tolentino de Mendonça, 59-anyos kansa gikan sa Portugal. Abli usab kini sa modernong kultura ug naila sa pagka intelektwal.
Ika-unom usab si Cardinal Matteo Zuppi, 69, kansa gikan sa Italya ug naila sa trabaho niini alang sa kalinaw, lakip ang misyon sa Ukraine. Dool usab kini kang Pope Francis ug ilado sa pagserbisyo sa katawhan.
Ikapito usab sa talaan si Cardinal Mario Grech sa Malta, 68, kansa nanawagan sa bag-ong lengwahe sa Simbahan alang sa pakig dayalogo sa mga isyu sama sa ‘diborsyo’ ug ‘same-sex relationships.’
Ang pang-walo mao si Cardinal Robert Sarah nga taga Guinea, 79, usa usab sa posibleng mamahimong Santo Papa nga dunay liwat nga Aprikano. Taliwala pa man nga tigulang na, naila usab kini sa pagkakonserbatibo ilabi na sa mga katoliko.
ANG KOLOR SA ASO SA TSIMNEA
Sugdan ang proseso sa eleksyon alang sa sunod nga Santo Papa sulod sa Sistine Chapel sa Vatican. Subay sa tradisyon, kaduha sa usa ka adlaw mobotar ang mga Cardinal taman sa dunay mamakuha sa kapin two thirds (2/3) nga boto.
Isulat ang maong mga boto sa card nga dunay nakasula nga Latin nga “Eligo in Summum Pontificem”, kansa nangahulugang “Akong gipili isip pinaka taas nga Santo Papa.” Dugang niini, mag-ampo una ang maong mga Cardinal adiser itagak ang nasangpit nga card sa bulawang chalice.
Samtang himoon ang maong botasyon, libuan ka mga katawhan ang magtapok sa St. Peter’s Square arun bantayan ang aso sa tsimenea sa Sistine Chapel.
Kung wala pay nidaog, sunugon una ang maong mga card lakip sa kemekal nga makapa itom sa aso nga ipagawas niini. Puti usab ang aso nga ibuga ugaling duna nay mapili nga bag-ong Santo Papa.
