BUTUAN CITY – Wala nay kinabuhing agbuy-od sa kalsada ug naligo sa iyang kaugalingong dugo ang usa ka lalaking giratratan sa lain-laing parte sa iyang ulo bandang ala 1:30 sa kadlawon ning adlawa, April 18, 2025, Biernes Santo sa may bypass road, Purok 6, Villa Consuelo, Brgy. Apokon, Tagum City.
Sa impormasyong natala sa Tagum Police Station ilawom sa direktiba ni Police Lieutenant Colonel Wildemar Tiu, giingong usa ka concerned citizen ang nagreport sa maongpanghitabo kanila rason nga gilayong girespondehan sa kapulisan ang maong insidente ug naglusad og ocular inspection ingon man imbestigasyon.
Dugang pa nga padayon pang gina-ila ang biktima nga naka-suot og green jacket.
Gani, napalgan sa Davao del Norte Provincial Forensic Unit (DNPFU) ang lima ka basyo nga gituohang naggikan sa caliber .45.
Padayon pa usab nga ginapanubayan ang motibo ug ang angulo sa maong krimen.
Sa karon, anaa na sa usa ka purenarya sa maong lungsod ang patayng lawas alang sa tukmang disposisyon.
Sa adunay impormasyon mamahimong murawag sa TAGUM CITY POLICE STATION sa Hotline Numbers nga 0919-748-5024 o di ba kaha sa 0967-450-1815.
