-- ADVERTISEMENT --
BUTUAN CITY – Gi-isa na sa Department of Health (DOH) ang Code White Alert sugod kagahapong adlawa, Palm Sunday, Abril 13 ngadto na sa Abril 20 sa Easter Sunday isip pagpangandam sa Semana Santa.
Nasayran nga ang Code White Alert, ipatuman sa ahensya matag dunay kalihukan o mga national events aron masigurong andam ang mga ospital ingon man mga medical personnel, ilabi na sa emergency ug sa mga critical care units, ugaling musaka ang ihap sa mga pasyente tungod sa aksidente, o kaha tungod sa grabi ka init nga panahon karon nga seamana.
Subay niini, gi-awhag ni Health Secretary Ted Herbosa ang publiko nga mag-amping sa biyahe ug likayan ang subra nga pagpa-init sa adlaw aron malikayan usab ang heat stroke.
