BUTUAN CITY – Anaa na sa maayong kahimtang ang 20 ka mga Pilipinong tripulante sa Norwegian-flagged bulk carrier nga MV Lunita, kansa nasikop sa South Korea tungod sa kargada niining tone-tonelada nga cocaine niadtung nakalabayng semana, kini subay na sa pamahayag sa Department of Migrant Workers (DMW).
Sumala ni DMW Secretary Hans Leo Cacdac nga nagpabilin pa ang mga Pilipino seafarers sa nasangpit nga barko samtang nagpadayon pa ang pagligid sa imbestigasyon.
Dugang sa maong opisyal nga duna nay abogado nga gihatag ang kumpanya sa barko arun magiyahan ang nasangpit nga mga tripulante, dugang niini nga maghatag usab ang DMW og collaborating counsel alang sa ilahang legal nga suporta.
Gipaniguro usab ni DMW Under Secretary For Foreign Employment and Welfare Services, Felicitas Bay, nga samtang nagpadayon ang maong imbestigasyon, anaa sa maayong panglawas ang mga Filipino seafarers.
Sumala pa ni DMW Sec Cacdac nga nakahinabi na niini ang unom ka pamilya sa mga tripulante nga anaa sa Metro Manila ug gisaad ang tabang sa ahensya alang sa ilahang gma hinigugma. Samtang, gikatakda na sa ahensya ang pagbisita sa uban pang mga pamilya karong mosunod nga mga adlaw.
Ang pamahayag ni DMW Secretary Hans Leo Cacdac
