BUTUAN CITY – Gikundina ug gipamalikas pa ni Davao City Mayor Sebastian “Baste” Duterte si Presidente Ferdinand Bongbong Marcos Jr. kagahapong adlawa human matud pa gipadala sa Pangulo ang amahan niining si kanhi Presidente Duterte sa the Hague, Netherlands arun taralon sa kasong crimes against humanity.
Atul sa pamahayag ni Baste sa 88th Araw ng Dabaw celebration, gipagawas sa mayor ang kasilag niini sa kasamtangan nga Presidente, ug nag bahad pa kini nga mo bangon ang ilahang pamilya ug batukan ang matud pa, illegal nga pag-aresto sa iyahang amahan.
Sigon sa Mayor nga dili mamahimong higugmaon si Presidente Marcos, ilabi na sa mga tawo nga ning tawag sa pangalan sa iyahang amahan. Gidugang pa sa mayor nga gawas sa resources ug sa termino ni Marcos Jr. isip Presidente, wala na matud pa kini mahimo.
Subay niin, walay pag duha-duhang gi-kutay sa mayor ang apleydong Marcos ngadto sa Martial law. Gikundena usab niini si Marcos Jr. sa pagtugot matud pa niining sikopon sa ICC ang kanhi presidente taliwala pa man nga kini ang nagtugot nga malubong sa Libingan ng Mga Bayani si Marcos Sr. niadtung 2016.
Sayrang atul sa maong kalihukan sa Davao kagahapong adlawa, libuan usab ka mga dabawenyos ang ning partisipar sa gihimong Unity Walk isip suporta sa kanhi Presidente.
