BUTUAN CITY – Walay plano nga magdeklara og martial law si Pangulong Ferdinand “Bongbong” Marcos Jr. taliwa sa mga gihimong rally isip suporta kang kanhi pangulong Duterte.
Subay ni House Majority floor leader ug Iloilo 1st District Rep. Janette Garin, pulos lamang matud pa espekulasyon ang mga mikaylap nga balitang magdeklara og martial law si Pangulong Ferdinand Marcos Jr. aron pug-ngan ang mga protesta sa pagpaaresto sa International Criminal Court (ICC) kang kanhe Pangulong Rodrigo Duterte.
Gipaneguro usab ni Garin sa publiko nga mahinayon ang piniliay sa Mayo 12, diin kamatooran niini, bisi na si Pangulong Marcos sa pagpangampanya sa senatorial candidates sa Alyansa sa Bagong Pilipinas.
Nagpasidaan usab si Garin nga ang mga pagpakaylap sa fake news mamahimong magresulta sa kagubot. Kini subay na usab sa gibutyag ni kanhe Executive Secretary Salvador Medialdea nga wala gi-atiman ang panglawas ni Duterte.
