BUTUAN CITY – Dili manghilabot ang gobyerno sa Pilipinas sa pagpangandam sa kampo ni kanhi Presidente Rodrigo Duterte sa depensa batok sa gipasakang charges sa crimes against Humanity sa International Criminal Court kon ICC.
Kahibaloang gitakda sa ICC nga himoon ang confirmation of charges ni Duterte kon ang ikaduhang pagatubang niini sa korte karong Septembre 23 pa, kini arun matud pa mahatagan og igong panahon ang kampo ni Duterte nga makaprepara alang sa nasangpit nga pre-trial ug ingon man arun mahatag sa kampo sa kanhi presidente ang katungod nga taralon sa tukmang panahon.
Sumala ni Palace Press Officer and Presidential Communications Office Undersecretary Claire Castro nga kini matud pa ang panahon nga makapangandam ang kampo ni Duterte alang sa pre-trial niini, diin mamahimo matud pa sila nga mangita og mga witnesses ug himoan usab ang mga niini og mga affidavits.
Gisubli pa ni Castro nga gihatagan matud pa sa pangamhanan si Duterte sa tanan niining gikinahanglan sukad pa sa pagkasikop niini sa Ninoy Aquino International Airport.
Subay niini, gipaniguro matud pa sa pangamhanan nga ang gobyerno ang mo gasto sa plete sa mga witness ni Duterte.
