BUTUAN CITY – Gikundina ni Senador Ronald Bato Dela Rosa si Presidente Ferdinand BongBong Marcos Jr. tungod sa pag-papressure matud pa niini sa International Criminal Court kon ICC, alayon na sa pagkasikop sa kanhi Presidnete nga si Rodrigo Duterte niadtung Marso 11.
Sumala sa Senador, atul sa pro-Duterte rally kagabie sa Liwasang Bonifacio, mas gigil ug mas atat matud pa ang pangamhanang Marcos kontra sa Interpol ingon man sa ICC nga sikopon ang kanhi Presidente, tungod kay ang mga langyaw na matud pa ang gi serbisyuhan nini Marcos ug dili ang mga katawhang Pilipino.
Syagit pa sa Senador nga katungdanan matud pa sa pangamhanan sa Pilipinas ingon man sa kunstitusyon sa Pilipinas nga proteksyonan an gmga katawhang Pilipino gikan sa mga langyaw.
Giyagyag usab sa Senador nga atul sa pagdakop sa Presidente, nangita matud pa siya og tawo nga kaila sa Piloto sa abyon nga modala sa kanhi Presidnete sa the Hague, subay niini nga gipahatud matud pa niya ngadto sa piloto ang mensahe nga manubag kini sa katawhang Pilipino ugaling modayon kini pag larga.
Kahinumdumang dakong komosyon sa nasod sa Pilipinas ang nahitabo atul sa pag karga sa kanhi Presidente sa abyon padulong the Hague niadtung Marso 11, kansa gitawag pa sa kampo niini nga kidnapping.
