BUTUAN CITY – Hustisya ang singgit sa pamilya sa usa ka 7-anyos nga batang babaye human kini gilugos ug gipatay pa sa ilang silingan pinaagi sa paghulog niini sa na-uga na nga atabay ug gitabunan pa og yuta.
Nahitabo ang maong insidente sa Brgy. Basag ning dakbayan sa Butuan. Napalgan ang biktimang grade 2 pupil, kaganinang alas-9:00 sa buntag. Samtang nasikop na usab ang suspetsadong nailang si Dondon Acedo, 29-anyos, gwardya, ug residente sa susamang barangay.
Nabulabog ang kremin human mitug-an ang suspetsado sa iyang nahimo human matud pa sila nag-away sa iyang ka-ipon nga maoy nagtuklod kaniya nga maghubog-hubog kagahapon uban sa iyang mga kaubanan sa trabaho.
Nakita matud pa niini ang biktimang si alyas Angel rason nga iya kining gilabni ug gidala sa ilang panimalay ug didto gilugos ug gilumsan gilayon og tubig. Gikostudiya na sa Butuan City Police Station 4 ang suspetsado alang sa tukmang disposasyon.
