BUTUAN CITY – Gatusang mga supporters ni kanhi Pangulong Rodrigo Duterte ang nagtapok sa D.O Plaza Park sa Brgy. Poblacion, lungsod sa Trento, Agusan del Sur kagabii alang sa “Light a Candle for Unity & Justice and Motorcade: Free Tatay Digong Movement”.
Kini isip protesta sa pagdakop sa kanhi pangulo kondiin apil sa mga grupong misalmot ang Trento Drivers’ Association, Riders of Veruela, Caraga Lady Riders, apil na ang mga supporters gikan sa managlahing baranggay ug kasikbit nga mga lungsod sa Veruela, Sta. Josefa ug Bunawan.
Ilang gisinggit ang pag-withdraw sa warrant nga gi-serve sa International Criminal Court (ICC) kalabot sa alegasyong crimes against humanity.
Tumong sa kalihukan ang pag-promote sa panaghi-usa, h ustisya ug kapatas samtang gihingusgan ang due process sa kaso sa kanhi presidente.
Ang senaryo sa D.O Plaza Park usa ka simbolikong panaghi-usa sa tingog human gipadayag sa katawhan ang ilang mga sentimiento nga gihimo ngadto sa kanhi pangulo..
