-- ADVERTISEMENT --
BUTUAN CITY – Perting lisanga sa mga tawo ingon man sa mga pump attendants sa usa ka gasolinahan sa Menglanilla, Cebu, human ning-abot ang usa ka indibidwal nga nangita matud pa og away.
Gihulbot sa maong lalaki ang gas pump ug gipasiritan niini ang palibot og gasolina. Maayo nalang gani kay ning-abot gilayon ang mga pulis sa wala pa niini dagkuti ang palibot.
Nasayrang ningkabat sa balor 2,556 pesos nga petrolyo ang nausik sa nasangpit nga indibidwal kansa gidala gilayon sa police station kondiin didto niya gibutyag nga wala matud pa siya masayod sa iyang gihimo.
Gipanghimakak usab sa maong tawo ang taho nga nakatira kini og ginadiling drugas og naka-inom sa ilimnong makahubog.
