Nakighiusa si Vice President Sara Z. Duterte sa mga kababayen-an sa Pilipinas dungan sa pagsaulog sa International Women’s Day kagahapong adlawa, Sabado, Marso 8.
Sumala sa mensahe niini, gi-awhag sa Bise Presidente ang mga kababayen-an nga ipadayon ang pakigbisog batok sa pagpang-abuso ug kasakit, dili lang sa ilang hanay apan lakip na usab sa mga kabataan nga padayong usa ka dako nga isyu sa katilingban.
“Yet, we cannot ignore the alarming reality that violence against women and children and human trafficking continue to threaten the safety and dignity of many,” matod ni Duterte.
“From domestic abuse to online exploitation and trafficking, gender-based violence remains a persistent barrier to women’s empowerment,” dugang niya.
Sumala ni Duterte nga ang pakigbisog alang sa katungod sa kababayen-an dili lang mahitungod sa pagpalambo sa ekonomiya ug kahimtang sa politika. “It is about ensuring that every woman and child is protected, heard, and allowed to thrive,” matod niya.
Makatabang usab, matod niya, ang panaghiusa sa matag sektor sa katilingban—gobyerno, mga pribadong institusyon, civil society, ug mga indibidwal—aron matapos na ang pagpang-abuso batok sa kababayen-an ug kabataan.
“Together, let us build a future where no woman fears for her safety, where every girl can pursue her dreams without fear of violence, and where equality is not just a goal, but a lived reality,” giit sa Bise Presidente.
