BUTUAN CITY – Ningkabat sa P2.7 milyunes sa gituohang shabu ang nakuha sa mga kapulisan sa dakbayan sa Butuan kagahapong adlawa atul sa gihimong drug buy bust operation diin nakuhaan og gibana-banang 400 gramos sa gituohang shabu ang usa ka High-Value Individual kon HVI sa Purok-4, Brgy. Holy Redeemer, ning dakbayan alas 12 ang takna sa udto ning adlawa, Marso 8, atul sa gihimong drug buybust operation diin nakuhaan sa gibana-banang 400 gramos sa gituohang shabu ang mga suspek nga nailang si Sanse Malawanie Ampaso, alyas Lary 31-anyos, single, walay trabaho, ug residente sa Sarimanok, Marawi City, ug kasamtangan usab nga nagpuyo sa Brgy. Holy Redeemer ning dakbayan.
Sayran nga kanhi nang nadakpan ang maong suspek tungod gihapon sa paglapas sa Republic Act 9165 kon ang Comprehensive Dangerous Drugs Act of 2002 niatong 2016.
Lakip sa mga nasikop sa mga kapulisan ang suspek nga nailang si Ram, 41-anyos lalaki, single, ug nagtrabaho isip security guard, ug residente sa Barangay Bilay, Butuan City.
Ikatulong nasikop usab si Letty, usa ka 40-anyos nga babaye, single, walay trabaho, ug residente sa Purok-4, Barangay Magsikap, Rizal, Occidental Mindoro.
Sumala ni Butuan City Police City Director PCOL Rommel Villamor sa pakighinabi ning sibyahan nga tungod sa nasangpit nga mga pagkasikop, ubay-ubay nang mga drugas ang ilahang natigom ug mga suspek nga nangadakpan.
Dugang niini, mas gipakusgan pa nila ang operasyon batok na sa iligal nga drugas. Dugang niini nga gawas sa ilahang ginahimong imbistigasyon, nakigkoordinar usab sila sa mga kabarangayan, giawhag usa niini ang mga katawhan nga mo tabang sa pagsumbong sa mga otoridad ugaling may masayran kining mga illegal nga tiggamit o tigpayuhot sa nasangpit nga illegal nga drugas.
