BUTUAN CITY – Gipasidunggan sa Armed Forces of the Philippines (AFP) ang duha ka mga piloto sa nahagsa nga Philippine Air Force (PAF) FA-50PH fighter jet niadtong Martes sa kaadlawon. Gi-ila sa PAF ang dedikasyon, kamatinud-anon ug ka-isog sa duha ka mga piloto kansang patay’ng lawas, napalgan sulod pa sa fighter jet sa Mount Kalatungan range, duol sa border sa mga lungsod sa Pangantucan ug Talakag, Bukidnon.
Una nang gikatahong nahanaw sila Maj. Jude Salang-oy ug 1Lt. April John Dadulla, huma nag-take off gikan sa Mactan, Cebu, aron suportahan ang ground troops batuk sa rebeldeng grupo.
Sigon ni Lt. Col. Francisco Garello, sa 4th Infantry Division Public Affairs Office, ang 1st Special Forces Battalion sa 403rd Infantry Brigade, maoy gimanduan nga mukuha sa patay’ng lawas sa duha ka mga piloto.
Si Salang-oy, taga-Taloctoc, Kalinga, kinsa nahimong delegado sa 2023 International Aerospace Symposium sa South Korea, samtang si Dadulla nga taga-Manolo Fortich, Bukidnon.
Gi-ulan og pahasubo gikan sa mga pamilya, katrabaho, ug mga higala ang kabanayj sa duha ka mga piloto.
