BUTUAN CITY – Gikumpirma sa Eastern Mindanao Command kon EastMinCom nga patay nang napalgan ang duha ka mga piloto nga sakay sa nahanaw nga FA-50 fighter jet atol sa ilang gilusad nga tactical night operations.
Sigon ni Eastmincom Commander Lt. Gen. Luis Rex Bergante, ila nang napalgan ang aircraft sa Mt. Kalatungan sa Bukidnon kondiin anaa sa sulod ang duaha ka mga piloto nga wala nay kinabuhi.
Sigon ni Bergante, gihimo na nila ang tanan nilang makaya aron makanaog na ang patay’ng lawas sa duha ka mga piloto. Gipadayag usab sa heneral nga base sa unang taho sa ilang tropa, guba ang maong aircraft apan giklaro niini nga wala kini mibusikad.
Sa pagkakaron, naka-cordon na ang lugar nga gihagbaan sa FA-50 fighter jet alang sa imbestigasyon.
