BUTUAN CITY – Nasinatian sa Davao Region ang kusog nga pagtay-og bandang alas 9:42 ning buntag lamang, Marso 4.
Subay sa impormsyon sa buhatan sa Philippine Institute of Volcanology and Seismology kon Phivolcs, natala matud pa ang sentro sa maong magnitude 5 nga linog sa kasadpang bahin sa Matanao, Davao del Sur nga adunay gilawmong 10 ka kilometro ilalom sa yuta.
Gawas sa Matanao, Davao del Sur, nabati usab ang pagtay-og sa: Kidapawan City (Cotabato), Malungon (Sarangani), ingon man sa Tampakan ug Tupi (South Cotabato) nga dunay intensity 4.
Intensity 3 usab sa Magpet (Cotabato), Davao City, Davao del Sur, General Santos City, Banga (South Cotabato), President Quirino ug sa Columbio (Sultan Kudarat).
Intensity 2 sa Pikit (Cotabato), Jose Abad Santos (Davao Occidental), Kiamba (Sarangani), Suralla, Norala, Santo Niño, T’Boli (South Cotabato), Lambayong, ug Isulan (Sultan Kudarat.
Ingon man Intensity 1 sa Don Marcelino (Davao Occidental), Nabunturan (Davao de Oro), Lake Sebu (South Cotabato), Esperanza, Kalamansig, ug Bagumbayan (Sultan Kudarat).
Sa karon padayon pang ginasutua sa mga hintungdang ahensiya ang posibling \danyos nga hatud sa maong pagtay-og ngadto sa mga dapit diin.
Subay niini, lauman usab ang aftershock.
