BUTUAN CITY – Gipa-imbestigahan na sa Malakanyang ang taho mahitungod sadonasyon sa mga chinese spies sa Philippine National Police (PNP).
Sigon ni Palace Press Officer, USec Claire Castro, gustong makita sa Palasyo ang katibuk-ang detalye sa report nga matud pa, dunay mga donasyong motorsiklo sa nasudnong kapulisan ang grupo sa mga Chinese spies.
Gustong masuta sa Palasyo kung ang nasangpit nga donasyon gihimo ba in-good faith. Sigon sa opisyal nga dili daotan ang modawat og donasyon, sama sa nadawat matud pang mga ambulansiya kaniadto ni kanhe Davao city ug karun Vice President Sara Duterte para sa mga taga Davao atol sa pandemya nga Covid 19.
Pagklaro pa ni Castro nga kung dunay laing rason sa pag donate, kinahanglan kining maibestigahan aron dili na mautro og para dili na usab magamit ang bisan unsang ahensiya sa gobyerno sa interes sa ubang grupo. Pagseguro ni Castro nga dili pasagdan ni Pangulong Marcos nga wala nabuhat sa PNP ang ilang trabaho tungod lamang kay dunay mga padrino.
Sa karun nagpahigayon na og imbestigasyon ang PNP mahitungod niini base sa nahimong direktiba ni PNP Chief Rommel Marbil.
