BUTUAN CITY-Andam magpaputol sa iyahang liog si Atty. Ernie Palanan ang Election Supervisor sa Commission on Election kon COMELEC Agusan del Sur kung ma-hack pa ang vote counting machine sa election.
Kini subay na sa pagpaniguro sa opisyal nga walay si bisan kinsa nga mga IT experts ug mga Hackers ang makasulod niini, sukwahi matud pa sa mga ningkuyanap karon nga Fake News diin gikataho nga mahack sumala pa ang maong makina tungod kay konektado raman kini sa internet.
Una nang ning kuyanap sa Social media ang mga video sa abogado nga si Jeryll Harold Respicio, vice mayoral candidate sa Reina Mercedes, Isabela kansa nagtumong nga pamatud-ang kaya ra nga mahack ang mga Automated Counting Machines sa election tungod kay naka-online matud pa ang maong mga makina, rason nga pwede ra kining masulod sa mga eksperto sa natad sa Information Technology.
Apan sumala ni Atty. Palanan, sayop ang maong impormasyon tungod kay dili matud pa konektado ang mga makina sa internet ilabi na og kamulo pa og botar ang mga tawo, rason nga dili kini ma-alter sa mga gustong mang-hack.
Subay niini nga ma-connect lamang ang makina ugaling humana og printa sa resulta ang tanang presinto, ug kinahanglan nang itransmit ang mga boto sa central servers, board of canvassers, KBP ug uban pa. Dugang niini, dili ang common nga transmission highway ang gamiton sa datus ugaling ipasa na kini ngadto na sa mga angay pasahan.
Subay pa ni Aty. Palanan nga mokaon lamang og pinaka taas na nga 30 segundos ang pag send sa maong datus, butang nga dili gayud kini maapas sa bisan kinsang pinakamaayo nga hacker. //(AUDIO VIDEO OF…LOKAL 3….CUE OUT….NAKA ONLINE)//Ang pamahayag ni Atty. Ernie Palanan
