BUTUAN CITY – Imbitado ni Comelec Chairman George Erwin Garcia ang usa ka beauty contestant nga si Heart Aquino sa buhatan sa COMELEC arun matud pa kini ma-tour ug mahatagag giya kung unsa ang trabaho sa poll body.
Kahinumdumang nahimong sentro sa diskusyon ang pahayag sa dalaga nga wala kini alamag mahitungod sa COMELEC.
Parte man gud sa pangutana niini kung unsa ang iyahang panawagan sa ahensya karong nagkadool na ang election. Kahibaloang ning salmot ang maong dalaga sa usa ka beauty contest sa telebisyon.
Depensa pa sa contestant nga wala siya masayod mahitungod sa COMELEC tungod kay dili kini mo gawas sa news feed sa iyahang social media.
Sumala ni Comelec Chairman Garcia, andam ang poll body nga mahatagan og tour ang dalaga sa mga trabaho sa poll body alang sa mga botante, kandidato ug siguraduhong insakto ang dagan sa election.
Gipaniguro usab sa opisyal nga usa kini ka challenge alang kanila arun palambuon pa ang information campaign arun mas masayran pa sa publiko ang ilahang papel ilabina karong eleksyon.
