BUTUAN CITY – Natala sa Pilipinas ang pinaka-ubos nga budget deficit niadtong 2024 sukad ang COVID-19 pandemic miigo sa nasud. Sigon ni Department of Budget and Management (DBM) Secretary Amenah Pangandaman, ang budget deficit mao ang paggasto sa gobyerno labaw pa sa kita sa nasod.
Una nang gikataho sa kalihim nga ningkunhod ang budget deficit sa Pilipinas ngadto sa P1.506 trilyon kon bugti sa 5.7% sa gross domestic product (GDP). Nagpakita lamang ang maong datos sa pag-uswag gikan sa 6.2% nga budget deficit nga natala niadtong 2023 kansa lapas pa sa gilauman nga revenue ug spending performance.
Dugang pa ni Sec. Pangandaman, ang budget deficit sa 2024 naglangkob usab sa fiscal outlook sa Development Budget Coordination Committee (DBCC) sa ilang kataposang tigom. Ang maayong performance nagpakita lamang sa pag-uswag sa ekonomiya sa nasud ubos sa socio-economic agenda ug pagpalig-on sa posisyon sa Pilipinas isip usa ka dynamic emerging economy sa Asia-Pacific region.
