BUTUAN CITY – Miapela ang duha ka independent contractors nga sila Jojo Nones ug Richard Cruz nga dili guilty sa kasong rape nga gipasaka sa aktor nga si Sandro Muhlach. Nag-atubang sa kasong rape by sexual assault sila Nones ug Cruz.
Gipasaka ang mga kasong rape ug acts of lasciviousness batuk sa duruha sa Pasay courts. Nahitabo matud pa ang insidente sa usa ka hotel room niadtong Hulyo sa nakalabay nga tuig.
Gisang-at sa duruha sa Pasay Regional Trial Court Branch 114 ug miapela nga dili guilty sa kasong rape, sumala sa ilang abogado nga si Maggie Abraham-Garduque. Na-arraign ang duruha human gibasura sa Korte ang ilang motion to quash.
Sumala ni Garduque, ang pagdungog para sa paunang pagdawat sa ebidensya para sa prosekusyon magsugod sa Marso 19.
