BUTUAN CITY – Pormal nang sugdan karong adlawa ang Ramadan sa tanang rehiyon sa Pilipinas. Sumala ni Sultan Gamal Amerol, ang Caraga Sultanate nga andam na ang mga kaigsoonang Muslim ning rehiyon ilabi na sa mga aktibidad nga ilahang himoon alang niadtung mga mag-fasting.
Apan giklaro niini nga ang maong mga aktibidad kay himoon lamang sa ilahang pagsimba, gani, wlaa nay himoong pormal nga aktibidad isip timaan sa pagsugod sa nasangpit nga kalihukan tungod kay humana man ang moon sighting.
Subay niini, mohimo pa utro og moon sighting inig pa human na usab ang Ramadan.
Sumala sa Sultanate nga kinahanglan gayud nga mohimo og maayo ang mga magtutuong Muslim karon nga bulan, sa ingon, dakong ganti ang ibalik kanila; subay niini, kung mohimo usab og dautan, dakong kadaut usab ang nag hulat kanila.
Kahibaloan nga karong nang adlawa, Dominggo, Marso 2, 2025 sugdan pag-obserba ang balaang buwan sa Ramadhan. Base kini sa anunsiyo ito ni Bangsamoro Grand Mufti ug Executive Director sa Bangsamoro Darul-Ifta’ kon BDI Sheikh Abdulrauf Guialani human ang ghimong moon sightings kagabii.
Sigon ni Grand Mufti Guialani, base sa tradisyon sa Islam, kung dili klaro ang crescent moon ug ang kasamtangang lunar month, nakompleto sa 30 ka adlaw, sugdan gilayon ang Ramadan fasting 2025 ugmang adlawa, Dominggo. Ang moon sighting kon hilal sighting, importanteng practice sa Islam tungod kay mao kini ang magdetermina sa pagsugod sa bag-ong lunar month.
