BUTUAN CITY – Gibutang na sa non-invasive mechanical ventilator si Pope Francis arun matabangan kini sa pagginhawa. Kini subay ni Bombo International News Correspondent Reverend Fr. Coke Daryl Prieto direkta gikan sa Rome, Italy.
Sumala sa pari nga ang maong lakang, gihimo sa mga doktor ngadto sa Santo Papa human kini na diagnosed sa komplikadong respiratory condition nga isolated bronchospasm ning nakalabayng adlaw.
Apan sumala ni Fr. Prieto nga taliwala pa man nga anaa sa balay-tambalanan ang Santo Papa, nakahibalo gihapon kini sa tanan nga panghitabo sa Simbahang katoliko tungod kay nagahatag man gihapon og reports ang mga decastery heads kaniya.
Sumala sa mga taho nga padayon gihapong nagabasa og mga dokumento ang Santo Papa ug nakig kita pa og ubang mga tawo nga kinahanglan pakigkitaan alang sa kalambuan sa Simbahang katoliko.
Subay niini, padayon usab nga nagahimo og mga pag-ampo ang mga deboto alang sa Santo Papa, dili lang sa sulod sa Vatican kundili lakip na usab sa kanasuran.
Ang pamahayag ni Bombo International News Correspondent Rev. Fr. Coke Prieto.
