BUTUAN CITY – Kasamtangang gipangita sa mga elemento sa Butuan City Mobile Force Company ang usa ka mag-uuma nga nailang si Antonio Jamili, hamtung, minyo, ug residente sa Brgy. Anticala ning syudad sa Butuan tungod sa pag tinir niini og armas sa iyahang panimalay. Sayrang at large ang nasangpit nga suspek dihang gi serve sa mga kapulisan ang Search warrant nga gi issue ni Executive Judge Marigel S. Dagani-Hugo sa Regional Trial Court. Subay niini, nakuha guikan sa maong suspek ang:
1. Usa (1) ka kalibre .45 nga pistola nga dunay serial No. 879459 ug magazine nga puno sa lima (5) ka buok .45mm nga buhing bala kansa gimarkahan og AAJ ngadto sa AAJ-6; ug
2. Usa (1) ka buok nga ekstra nga magasin nga dunay kargang upat (4) ka .45mm nga buhing bala nga gimarkahan isip AAJ-7 ngadto sa AAJ-11.
Lakip na usab sa nadiskobre ang foxhole sulod sa balay nga iyang gipuy-an. Gihimo ang maong search gamit ang Duha (2) ka Body Worn Camera ug gisaksihan ni Hon. Jemuel Dapeñagan, Hon. Joscel S. Jamili parehong Brgy. Kagawad sa Brgy. Anticala, Butuan City ug ni Bombo Esteb D. Paican, media personality.
Sa kasamtangan, anaa na sa mga otoridad ang nakuhang mga items alang sa tukmang disposasyon.
