BUTUAN CITY – Gipagawas na ni Senate President Francis “Chiz” Escudero ang inisyal nga timetable sa patakaran nga sundon alang sa impeachment trial ni Vice President Sara Duterte, nga gitakda sa Hulyo 30.
Gipa-ambit ni Escudero sa media ang kopya sa sulat nga dunay petsang Pebrero 24 nga gipadala sa kaubanan sa Senado lakip kang Duterte, og House Speaker Ferdinand Martin Romualdez.
Gisugyot ni Escudero ang kalendaryo nga mamahimo pang hisgutan ug desisyunan sa Senado ugaling mubalik ang sesyon sa Hunyo 2. Sa Hulyo 29 gitakda ang oath taking alang sa bag-ong mapili nga senador rasong pagka-ugma Hulyo 30 masugdan ang impeachment trial. Gipadalhan na og sulat sila Duterte ug Romualdez isip “reference” ug sa interes sa transparency.
Si Senate President Francis “Chiz” Escudero.
Una nang gidepensahan ni Escudero ang iyang posisyon nga sugdan ang impeachment trial kung dunay sesyon sa Senado, ug dili sa special session gamit ang mga jurisprudence ug nakalabay nga panghitabo sa impeachment cases.
