BUTUAN CITY – Nagmugna na ang Kamara og impeachment Secretariat kansa maoy mohatag og technical at administrative support sa 11-man House prosecution team sa impeachment trial ni Vice President Sara Duterte.
Kini pinasubay na sa Memorandum Order 19-1006 nga gipagawas ni House Secretary General Reginald Velasco. Sumala ni Velasco, importante ang papel sa Secretariat alang sa impeachment tungod kay mao man kini ang mohatag og logistical, research, ug documentation support sa House prosecution team.
Gimugna ang Secretariat sa mga representante gikan sa Office of the Secretary General, Office of the Sergeant at Arms, Legislative Operations Department, Legal Affairs Department ug uban pang mga relevant units sa Kamara. Sumala ni Velasco, papel niini ang paghatag og plenary support, legal research, records management, stenographic transcription, information technology, security, ug administrative coordination.
Ang mga maa-assign nga mga opisyal ug empleyado kay kinahanglang mosunod sa hugot nga mga balaod ug ethical guidelines sa Kamara. Dugang ni Velasco nga arun masiguro ang accountability sa tanang personnel nga maa-assign sa Senado, kinahanglang irecord ang ilang attendance ug duna usay mga designated HousePass monitoring system.
Subay niini, gi-activate na ang impeachment Secretariat human gipagawas ni Senate President Chiz Escudero ang proposed calendar sa impeachment trial ni VP Sara.
