BUTUAN CITY – Miresulta sa pagkasikop sa 230 ka mga indibidwal ang gipahugtan nga anti-illegal drug operations sa Police Regional Office kon PRO-13 sugod niadtong Enero 1 ngadto sa Pebrero 27 ning tuiga kansa miresulta sa pagkakumpiska usab sa kapin 8-milyones pisos nga kantidad sa ilegal nga drugas.
Sigon sa Regional Operations Division 13, ang kapulisan sa Caraga nakakumpiska og katibuk-ang 1,277.963 gramos sa shabu, 55.52 gramos sa marijuana, og 15 gramos sa cocaine atol sa mga buy-bust operations, implementation sa search warrants, ug checkpoint operations.
Sa mga nadakpan, 62 niini ang High-Value Individuals og 168 ang mga Street-Level Individuals kansa gikustudiya na sa naka-arestong units.
Gipasalamatan sa PRO-13 ang ilang mga partner agencies, particular ang Philippine Drug Enforcement Agency-13, sa ilang kanunay nga suporta og kolaborasyon sa kampanya kontra ilegal nga drogas.
