BUTUAN CITY – Dili kuto, kundili 19 ka mga cocaine capsules ang nakit-an sa mga otoridad sa wig sa usa ka lalaki nga harang sa airport sa Cartagena, Colombia.
Sa gipagawas nga video sa mga kapulisan sa maong nasod, hinay-hinay nga giupawan ang maong lalaki – gitastas ang suot niining wig – ug inanay usab nga ning gimaw ang mga cocaine sa ulo niini.
Sigon sa Cartagena Metropolitan Police, padulong unta sa Amsterdam ang suspek nga Columbian dihang na-harang kini sa airport.
Nakuha gikan sa lalaki ang 19 ka mga kapsula sa nasangpit nga illegal nga drugas diin duna kini timbang nga kapin sa200 gramos ug gibana-banang nag kantidad og 10,000 euros, kon kapin sa P600,000.
Sa kasamtangan, anaa na sa kustudiya sa Attorney General’s Office ang suspek, ug nag-atubang sa kasong trafficking, manufacturing and possession of narcotics substances.
