BUTUAN CITY – Gihatagan og pagtagad ni House Deputy Majority Leader Paolo Ortega V sa La Union ang pamahayag ni kanhi Pangulong Rodrigo Roa Duterte nga padulong na matud pa sa pagkadiktador si Pangulong Ferdinand “Bongbong” Marcos Jr.
Sumala ni Ortega ng pabrika matud pa sa fake news si Duterte nga bugtong tumong mao lamang ang pagdaot sa administrasyong Marcos gamit ang mga pekeng impormasyon.
Gikundina usab ni Ortega ang si Duterte ug ang mga kaalyado niini tungod matud pa sa padayong pagpakuyanap og sayop nga impormasyon.
Subay niini, gipanhimakak usab ni House Assistant Majority Leader Zia Alonto Adiong sa Lanao del Sur ang maong pasangil ni kanhi pangulong Duterte nga dektador matud pa si Pangulong Marcos, ug gipamugos nga mismong si Marcos matud pa ang personal nga nakadawat og mga hulga sa kinabuhi, apan wala lamang kini ning balos.
Sumala ni Adiong nga girespeto matud pa ni Marcos ang separation of powers sa gobyerno ug wala kini nanginlabot sa managlahing ahensya sa panggamhanan.
Gikumpara usab ni Adiong ang administrasyon ni Marcos sa mga naunang administrasyon, diin sumala niini nga wala matud pay mga natanggal nga mahestrado ingin man na priso nga mga Senador tungod lang sa motibong political sa mga naglingkod sa katungdanan.
Subay usab ni House Assistant Majority Leader Ernix Dionisio sa Manila, malabo matud pang mamahimong diktador si Marcos, ug gihagit ang publiko nga dili tuohan ang mga bakak.
Nanawagan kini sa mga Pilipino nga hunongon na ang pangdaot sa pangamhanan sa ngalan lang sa politikanhong interes.
