BUTUAN CITY – Giklaro ni Senate President Francis “Chiz” Escudero nga dili mahimong mag-special session ang Senado nga sila ra aron aksyunan ang impeachment complaint batuk kang Vice President Sara Duterte.
Gipadayag kini ni Escudero isip tubag sa panawagan ni Senate Minority Leader Aquilino “Koko” Pimentel III nga sugdan na ang pagtaral sa reklamo batuk sa Bise Presidente pinaagi sa pagpahigayon og all-member caucus.
Subling gibarugan ni Escudero nga wala’y sesyon ang Kongreso rason nga dili pa puwedeng sugdan ang trial.
Gipamugos usab sa Senate President nga ang caucus, dili usa ka special session nga mahimong magtigom isip impeachment court. Gidugang pa niini nga kinahanglang dili mabahiran og partisan opinion ang impeachment trial ni VP Sara, tungod niini, dili nila hatagan og dakong pagtagad ang mga opinion sa mga partisano o mga Senador nga duna nay daang gibarugan sa maong isyu.
Tungod niini, giklaro sa Senate President nga kinahanglan pang magpatawag og special session si Pangulong Ferdinand Bongbong Marcos adiser sila makalihok.
