BUTUAN CITY – Malipayong gianunsyo sa 23 anyos nga si Zack Tabudlo ang gihimong contract signing niini sa pinaka dakong label records sa U.S nga Mercury Records.
Sa post niini sa iyahang social media, gipasigarbo sa singer-songwriter nga pormal na siyang ning lagda sa Mercury Records US. Sumala pa niini nga dili matud pa siya maka tuos kung unsa ka dali ra sa panahon, dihang ang normal nga bata sa Pilipinas nga bugtong buhat ang pag sulat og kanta sa gamay niining lawak ang ning lagda na sa pinka dako nga record label sa America.
Subay niini, gipasalamatan usab ni Zach ang iyahang pamilya, team, mga fans, ingon man ang mga local record label nga ning-ila sa iyahang talento. Usa ang Mercury Recordsa sa mga record label nga gipanag-iyahan sa Universal Music group diin lakip sa hawid niini ang international singer nga sila Post Malone ug Zayn Malik.
Lakip sa gi-handle sa maong label sila si Jeremy Zucker nga nagpasikat sa kantang ‘comethru,’ ug Stephen Sanchez nga naila usab sa kantang ‘Until I Found You.’ Naila si Zack sa kanta niining ”Stay Here” niadtung 2018. Niadtung 2023 usab, gipagawas niini ang iyahang kantang ‘3rd Time’s A Charm’.