BUTUAN CITY – Gawas sa mga lugar sa Calabarzon, National Capital Region, ingon man sa Iloilo, nakitaan na usab og pag saka sa kaso sa Dengue ang mga lugar sa Negros Occidental.
Sumala sa tala nga tanang munisipalidad sa naulahi ang duna nay natala ngas kaso sa dengue, kapin sa triple ang maong ihap kung itandi sa natala niadtung nakalabayng tuig. Tungod niini, nanawagan na ang grupo sa mga doktor sa pangamhanan nga hatagan na og access ang Pilipinas sa bakuna kontra dengue.
Sumala ni Dr. Lulu Bravo, ang direktor sa Philippine Foundation for Vaccination nga una matud pang nahatagan og access sa maong bakuna ang mga nasod sa Indonesia, Thailand, mga nasod sa Europa, Malaysia, ingon man ang Vietnam ning nakalabayng tuig.
Dugang sa niini nga duha ka tuig na matud pang na napasa ang aplikasyon sa maong bakuna. Sa kasamtangan, duna nay mga bakuna nga gi-apply sa registration sa Food and Drug Administration, lakip na niini ang bakuna nga gikan sa Japan.
Apan sumala sa DOH, kuti matud pa ang pamaagi sa FDA alang sa maong mga bakuna. Sa kasamtangan, ang pagmabinantayon lamang ang bugtong pamaagi arun malikayan ang maong sakit.
Sumala usab sa Philhealth nga duna nay benifit package alang niadtung kinahanglang dalhon sa emergency tungod sa maong sakit, apan walay kasiguruhan kung pila ang mamahimong makuha sa maong package.
