BUTUAN CITY – Suportado sa kusog nga ebidensya ang mga alegasyon sa impeachment case nga gipasaka batuk kang Vice President Sara Duterte.
“Well yung first Article of Impeachment eh may mga ebidensya pong nakasama po ‘dun, ‘yung videos, ‘yung pahayag n[g] ating bise presidente, kaya nga po naisama po ‘yan and kaya nga po may proseso,”
Surigao del Norte Rep. Robert Ace Barbers
Ang maong pamahayag ni Surigao del Norte Rep. Robert Ace Barbers, lead chairman sa House Quad Committee, agig tubag sa gibutyag ni Duterte nga wala niini gihulga nga ipapatay sila Pangulong Ferdinand R. Marcos Jr., Unang Ginang Liza Araneta Marcos, ug Speaker Ferdinand Martin G. Romualdez.
Kahinumdumang gihimo ni Duterte ang maong hulga niadtong Nobyembre ning nakalabayng tuig, kansa usa usab sa rason sa mga gipagawas nga Articles of Impeachment batok kaniya nga gipirmahan sa 215 ka mga kongresista ug gipasaka sa Kamara de Representantes sa Senado niadtong Miyerkoles.
Dugang ni Barbers nga mogawas gayud ang kamatooran sa impeachment trial ni VP Duterte sa Senado. Sumala usab niini nga bisan og dili siya abogado, nasayod matud pa siyang igo na ang ebidensya para suportahan ang impeachment.
