BUTUAN CITY – Kasamtangang nag-atubang ang 117 ka mga Pilipino sa Makati City Office sa mga kasong may kalambigitan sa Data Privacy Act human kini gi-raid sa Presidential Anti-Organized Crime Commission kon PAOCC ang mismong opisina niini.
Sumala sa PAOCC nga nasuta matud pa sa mga otoridad nga nahimo nang hub sa daghang mga lending application services ang nasangpit nga opisina, kansa nagapang-harass matud pa sa mga nangutang niini.
Subay niini, 14 matud pa sa 131 ka mga nasakpang mamumoo sa maong buhatan ang ning tugot nga mamahimong testigo s korte ug mahimong witness sa mga transaksyon sulod sa maong hub. Tungod niini, dili na kasohan ang nahisgutang 14, samtang ang nahibilin, mo atubang sa piskalya arun masuta kung duna bay atubangon nga salaod o wala.
Sa kasamtangan, pabilin una ang mga dinakpan sa kustudiya sa mga otoridad samtang padayon pa ang PAOCC ingon man ang National Bureau of Investigation kon NBI sa mga posibleng koneksyon niini sa Philippine Offshore Gaming Operations (POGO).
