BUTUAN CITY – Pasado na sa Senado ang House Bill No. 8839 kagahapong adlawa, nga magtugot kang Li Duan Wang nga mahimong Filipino Citizen.
Nasayrang si Wang, usa sa mga Chinese nationals nga gi-flag ni Senador Risa Hontiveros isip lider sa gi-raid nga Philippine Offshore Gaming Operations kon POGO hub sa Porac, Pampanga.
Bugtong si Senadora Risa Hontiveros lamang ang Senador nga wala ningbotar sa maong balaodnon. Subay niini, himoon na ni Wang ang iyang Oath of allegiance sa nasod human nakapasar sa plenaryo ang bill alang sa certificate of naturalization niini sa boto nga 19-nga pabor ug usa lang ang supak.
Sumala ni Hontiveros, ang maong Intsik matud pa ang nagdala sa usa ka junket business nga makutay usab kang Duanren Wu, ang gituohang “big boss” sa POGO hub.
Una nang g-alegahan si Wang nga konektado sa Jinjiang Yuxi Association nga makutay usab sa Chinese Communist Party kondiin gi-imbistigahan sa Securities and Exchange Commission ang peke nga identity ni Wang isip Pinoy.
Sumala ni Hontiveros nga bisn pa man nga wala niini giakusahan si Wang og bisan unsang krimen, apan dayag matud pa ang daghang mga “red flags” sa citizenship niini.
Ang pamahayag ni Seandora Risa Hontiveros.
