BUTUAN CITY – Kontento si Pangulong Ferdinand Marcos Jr. sa economic achievement sa kagamhanan niadtong 2024 apan pursigido usab kini nga labwan pa karong tuiga ang maong economic performance.
Sa gihimong ika-24 nga board meeting sa National Economic and Development Authority kon NEDA, gibutyag ni NEDA Secretary Arsenio Balisacan nga target sa gobyerno nga mapataas og sais hangtud 8-porsiento ang Gross Domestic Product kon GDP sa nasud alang karong tuiga kansa mas taas kung ikumpara sa 6 hangtud sa 6.5-porsientong GDP growth target.
Samtang kab-uton usab sa gobyerno ang dos hangtud 4-porsientong inflation rate dungan sa paningkamot nga makunhuran og 13.2-porsiento ang poverty rate sa nasud karong tuiga ug 9-porsiento sa tuig 2028.
Ipadayon matud pa nila ang pagpatuman sa social economic transformation pinaagi sa pagpakusog pa sa economic productivity, paggamit sa bag-ong teknolohiya ug kolaborasyon sa nagkada-iyang stakeholders.
