BUTUAN CITY – Gi-aksyunan na sa kadumalahan sa Agusan National High School ning siyudad sa Butuan ang nahitabong riot sa gawas nga bahin sa nasangpit nga tunghaan ning nakalabayng gabie. Sumala ni school Principal Elmer Cataluña, na-settle na ang duha ka grupo ug gihimoan gilayon kini og aksyon sa nasangpit nga eskwelahan.
Kahinumdumang na-alarma ang mga ginikanan ingon man ang mga stakeholders sa maong eskwelahan human nagginukdanay diin duna’y nagbitbit og kutsilyo ug nagbinun-anay pa og bato ang pipila ka mga estudyante sa grades nine ug seven, ug gisundan na usab sa grade ten.
Nasayrang ang grade nine ug seven lamang nga estudyante ang nagginukdanay sa maong riot tungod sa una na nilang bangi human sa usa ka pagsungog-sungog grade ten student.
Subay niini nagpatawag gilayon og meeting ang eskwelahan sa tanang nalambigit sa maong away lakip na sa ilang mga ginikanan.
Ang pamahayag ni Elmer Cataluña – Principal sa Agusan National High School.
