BUTUAN CITY – Mopasaka na ug kasong cyber libel ang babayeng ning viral sa social media nga si Noralyn Manlucob batok sa karelasyon niini sulod sa 7 katuig nga si Jay-Ar Manapos human gipublikar sa lalaki ang kasakit niini sa social media tungod matud pa sa kasakit sa sitwasyon sa ilahang panagbuwag.
kahinumduman nga gipost ni Jay-Ar ang iyang kasakit niini ngadto kang Noralyn human matud pa siya gibyaan ni Noralyn sa walay pagpanamilit.
Saysay pa ni Jay-ar sa post niini – kansa gilayong gipistahan sa mga marites – nga pirte matud pa ka lisod sa iyahag kaagi arun lang makahuman ang ginigugma niining si Noralyn.
Sumala pa ni Jay-Ar nga bisan unsa na lamang matud pa ang iyahang trabahoon lakip na ang pagpang-labor ug kopra ingon man pagpamasahero arun lang mapalampus niini ang iyahang kanhi uyab nga si Noralyn.
“Gi buhat nako ang trabaho nga sukad wala nako na experience para sa iyang pagkaon, pamasahe, ug uban pa.”
Jay-Ar Manapos
Kahinomdoman nga human ma-post sa lalaki sa iyahang social media ang panghitabo sa ilangrelasyon, gi-ulan gilayon ug mga negatibong komento si Noralyn.
Tungod niini nakahukom ang babaye nga mopasaka ug cyber libel kang Jay-ar tungod matud pa sa pagdaot niini sa iyahang dungog.
Saysay sa opisyal nga pamahayag sa abogado ni Noralyn nga si Atty. Mark Virgilio, wala matud pa nag-luib si Noralyn sa kanhi niining uyab nga si Jay-ar tungod kay ning sulod matud pa siya og laing relasyon human sila mag bulag ni Manapos.
Apan ning-angkon lamang matud pa siya nga nanikas tungod sa public preasure ingon man sa Psychological distress. Apan ang tinood, ang lalaki matud pa ang pirte ka manipulative sa toxic nilang relasyon.
“Nakig bulag naman ko saiyaha pero dili man siya musugot.”
Noralyn Manlucob
Sa kasamtangan nangayo na og tabang si Noralyn sa PNP – Women’s Protection Division ug sa National Bureau of Investigation para magfile og kasong ANTI CYBER CRIME LAW for derogatory and libelous post.
Mu-file usab kini og kasong Anti-violence against women and their children act for emotional and psychological abuse.
