BUTUAN CITY – Ningkabat sa kapin 1.5 million ka mga membro sa Iglesia Ni Cristo (INC) ang nagkatapok sa Quirino Grandstand sa Rizal Park, Manila karong adlawa alang sa gihimo niining peace rally isip suporta kang bise Presidente Sara Duterte sa giatubang niining problema sa posibilidad nga impeachment.
Lakip sa mga ning tambong sa maong rally ang mga membro sa nahisgutang simbahan kansa gikan pa sa mga lagyong probinysa sama sa Cavite, Quezon, ingon man Zambales.
Tumong sa maong kalihukan ang pag-asdang sa panaghiusa ug kalinaw taliwala matud pa sa political tensions sa nasod sa Pilipinas. Sumala sa tala sa Manila Police District nga hangtud sa alas 12 sa udto ning adlawa, sa nagsin-abot pa ang ubang mga membrong gustong mosalmot sa maong rally.Una nang gikataho sa mga kadagkuan sa nasnagpit nga simbahan nga ang gihimo ang maong nationwide event isip suporta sa baruganan sa ni Presidente Marcos, nga dili matud pa kinahanglang i-impeach si Bise Presidente Sara.
Una nang gipaabot sa Palasyo Malacañang ang paglaum niini nga mahatagan matud pa og kalinaw ang nasudnong isyu pinaagi sa maong kalihukan. Kaabag usab sa mga organizers sa maong rally ang Philippine National Police ug uban pang mga ahensya isip pag mintina sa peace and order.
Lakip ang maong peace rally sa kaulohan sa gihimong nationwide series of events sa nasangpit nga simbahan, diin gilaumang mokabat sa 1 million ka mga partisepante ang misalmot niini sa 13 ka mga lokasyon nga gihimo sa tibook nasod.
